Nahibal-an na sang kadam-an nga may benepisyo sa ikaayong lawas ang pagkaon sa dahon sang saging.
Apang nakahibalo ka man bala nga ang pagluto kag pagkaon sa coconut shells ukon paya sang lubi ang makabig nga healthy kag beneficial man sa ikaayong lawas?
Suno kay Anne Danahy registered dietitian sa Arizona sa Estados Unidos, dako ang bentaha sa ikaayong lawas kun gamiton nga pinggan kag lulutuan ang paya sang lubi bangud ini ang environment friendly, nagabulig nga malikawan ang overeating, nagapabuhin sang cholesterol level kag nagahatag sang mahamot nga aroma sa pagkaon.
Pahayag ni Danahy, may yara sang aroma ukon natural fibre content ang paya sang lubi nga nagasaylo sa linuto.
Ini nga fiber content ang nagapabuhin sang cholesterol level sa lawas sang isa ka indibidwal.
Bentaha man suno sa eksperto nga gamiton bilang pinggan ukon yahong ang paya sang lubi bangud manggaranon ini sa vitamins, A, D, E kag K.
Dugang pa ni Danahy, mataas ang fiber content sang paya sang lubi gani maayo ini sa digestive system sang isa ka indibidwal.
