Mahimo nga maka-apply para sa cash assistance sa Employees Compensation Commission (ECC) ang mga empleyado nga na-infect sang COVID-19.
Para sa private employees, pwede ini nga i-file sa Social Security System (SSS); samtang sa Government Service Insurance System (GSIS) naman para sa mga empleyado sang gobyerno.
Sa interview sang Bombo Radyo kay ECC Region VI regional-in-charge Stephene Barredo, iya ginpahayag nga kun mahatag na sang GSIS ukon SSS ang EC claim sang empleyado, may ihatag nga voucher kag amo ini ang kinahanglan ihatag sa ECC para sa additional benefit.
P10,000 ukon P15,000 ang mahimo mabaton sang naga-apply nga empleyado nga ma-assess nga eligible para sa cash aid.
Qualified diri ang workers — private kag government workers — nga nagpositibo sa COVID-19 ‘in line’ sang ila nga trabaho.
Ang ECC ang maga-establisar kun work-connected ang balatian nga ginsuprer sang naga-apply nga empleyado.
Kinahanglan lang nga i-comply ang masunod nga mga requirements:
- pamatuod sang approved EC claim halin sa SSS ukon GSIS
- accomplished cash assistance form
- kopya sang duha ka government-issued ID cards
- medical ukon quarantine certificate
- RT-PCR positive test result
- Gina-consider man ang rapid antigen test result nga may medical certificate sang confirmed COVID-19 illness
- kag certification halin sa employer nga naka-indicate ang katapusan nga adlaw sang pag-report sa trabaho
