Kadam-an sa mga kababainhan ang masami nga nagaeksperyensya sang dysmenorrhea — isa ka sintomas sang menstruation kaangay sang pagsakit sang pus-on.
Apang suno sa mga eksperto, ang simple nga pag-inom sang duga sang dahon sang bayabas ang makabulong sa intense menstrual cramps.
Suno kay Dr. Mary Jane Brown, registered dietician sa United Kingdom, sandig sa isa ka pagtuon, adlaw-adlaw nga ginpainom sang 6 milligram sang guava leaf extract ang 197 ka mga babaye nga nagasuprer sang dysmenorrhea kag natukiban nga nakabulong ang duga sang bayabas sa ila ginabatyag nga sakit sa pus-on.
Magluwas diri pahayag ni Brown, nagapa-improve man sang heart health ang dahon sang bayabas bangud manggaranon ini sa antioxidants kag vitamins.
Dugang pa sang dietician, tuman ka bentaha sa ikaayong lawas ang masami nga pag-inom sang tea ukon juice nga himo sa dahon sang bayabas bangud nagapabuhin ini sang bad cholesterol kag nagapanubo sa blood pressure.
