Nakumpiska sang mga pulis sa Laos ang minilyon nga droga sa sulod sang truck.
Ini ang pinakadako kag pinakamadamo nga droga nga nakumpiska sang pulis sa isa lamang ka adlaw base sa United Nations.
Kabug-usan nga 55 million sang methamphetamine tablets kag masobra 1.5 tonnes sang crystal meth ang yara sa truck.
Suno sa crime agency sang UN, nadiskubre ini sang kapulisan sang ginpa-untat nila ang truck nga may dala nga mga beer sa Bokeo — ang borders sang Thailand kag Myanmar.
Ang lugar nga kilala bilang Golden Triangle ang may yara sang kasaysayan bilang “major drug-producing hotspot.”
Pahayag naman ni Jeremy Douglas, Southeast Asia regional representative for the United Nations Office on Drugs and Crime, ang nakumpiska sang pulis ang pinakadako nga droga sa kasaysayan sang East kag Southeast Asia.
Ginapalabay sang mga drug dealers ang ila nga droga sa Laos bangud sa ginapatuman nga COVID-19 restrictions sa China kag Myanmar.
