Nagtanyag man ang local government unit (LGU) sang Buenavista, Guimaras sang P100,000 nga monetary reward sa makatudlo sa nagpatay kay Claire Diergos.
Sa interview sang Bombo Radyo kay Mayor Eugene Reyes, iya ginpahayag nga bulig man ini sang Buenavista agud mapasabat gid ang responsable sa krimen.
Nahibaluan nga taga-banwa sang Buenavista ang pamilya sang biktima.
Nakahaya subong ang bangkay ni Claire sa Barangay New Poblacion sa amo nga banwa.
Antes ang tanyag halin sa Buenavista LGU, nagtanyag man ang Pavia LGU sang P100,000 kag may P300,000 nga standing offer man ang mga abyan ni Claire sa pagpanguna sang negosyante nga si Carlo Hubo.
