Mahimo na makakuha sang unified vaccination certificate sa VaxCertPH portal ang tanan nga residente sang probinsya sang Iloilo nga bakunado batok sa COVID-19.
Ang VaxCertPH portal ang nagaserbe bilang vaccine certificate system sang pungsod sa idalom sang Department of Information and Communications Technology (DICT) kag Department of Health (DOH).
Sa interview sang Bombo Radyo kay Engr. Joel Garcera, focal person sang Vaccine Information Management System (VIMS) sang DICT Region VI, iya ginpahayag nga ang nasambit nga portal ang bukas na para sa domestic use.
“This is now open for the general public starting October 28 including the province of Iloilo.”
Agud ma-download ang dokumento, magkadto lang sa website nga [https://vaxcert.doh.gov.ph] kag mag fill-up sang vaccination details.
“They no longer need to go to their LGUs or government offices. They can just visit the link and encode the data from their vaccination card. Then that person can already generate his or her own vaccination certificate.”
Ang dokumento ang mahimo nga i-print, ipa-laminate ukon i-store sa mobile phones. Suno kay Garcera, tuman ka importante ang vaccination certificate agud mangin mahapos ang pag-travel ukon pagbyahe.
Nahibaluan nga gina-require na sang pila ka mga LGUs sa probinsya ang vaccination certificate para sa domestic travel.
