Mahilig ka bala magpulaw? Manubo bala ang imo red blood cells?
Kun huo ang imo nga sabat, may simple nga panugyan ang mga eksperto agud nga malikawan ang balatian nga anemia kag mapasanyog ang immunity sang lawas.
Magkaon ka lang sang itlog sang pugo adlaw-adlaw!
Suno kay SaVanna Shoemaker, registered dietician kag nutritionist sa Estados Unidos, ang itlog sang pugo ang manggaranon sa iron content nga nagapalikaw sa balatian nga anemia bangud naga-produce ini sang hemoglobin — isa ka sahi sang protein sa red blood cells nga nagadala sang oxygen halin sa baga tubtob sa nanuhay-tuhay nga bahin sang lawas.
Manggaranon man ang quail eggs ukon itlog sang pugo sa vitamin C kag vitamin A nga nagapasanyog sang immunity kag nagabato sa free radicals — mga toxins sa palibot nga nagaguba sang cells sa lawas sang isa ka indibidwal.
Ang pagkaon sang quail eggs ang nagabulig man sa pagbalanse sang cholesterol bangud 60 percent sang fat sa itlog sang pugo ang makabig nga ”good” form of cholesterol nga nagabulig sa pagpasanyog sang heart health.
