Gin-aprubahan na sang Philippine Food and Drug Administration (FDA) ang pag-grant sang amended emergency use authorization (EUA) sa apat ka COVID-19 vaccine brands agud magamit bilang booster shots kag additional dose.
Suno kay FDA Director General Eric Domingo, pwede magamit ang Pfizer, AstraZeneca, kag Sinovac bilang homologous vaccines: buot silingon, pwede lang magamit bilang third shot kun same type man sang vaccine ang gingamit sa una kag ikaduha nga dose.
Ang single-dose Sputnik Light naman ang pwede ang magamit bilang booster ukon additional shot regardless sa kun ano man ang brand nga gingamit sa una kag ikaduha nga dose.
Pahanugutan naman sang DOH ang paghatag sang booster shots sa healthcare workers umpisa subong nga adlaw, Nobyembre 17.
Recommended ang paggamit sang Moderna, Pfizer, ukon Sinovac bilang booster regardless sa brand nga gingamit sa una kag ikaduha nga dose.
