Ginatun-an sang gobyerno kun ilakip ang iban pa nga mga pungsod sa temporary ban list sang Pilipinas bangud sang pamahog nga dala sang bag-o nga South Africa COVID-19 variant nga ginatawag Omicron.
Ginrekomendar sang mga advisers sang World Health Organization nga i-tag ang B.1.1.529, may Greek name nga Omicron, bilang variant of concern.
Sa Laging Handa briefing kahapon nga adlaw, ginpamangkot si Department of Health Director Dr. Beverly Ho kun gina-rekomenda sang DOH nga ilakip ang Hong Kong sa travel ban list bangud may duha ini ka kaso sang Omicron variant.
“May ongoing po na discussion ngayon at asahan niyo po ‘no na magiging—magkakaroon ng mga developments within the day or by tomorrow tungkol sa possible expansion po ng mga listahan pero siyempre naka-base pa ‘to ‘no sa makukuha nating datos sa iba’t ibang parte ng mundo na ngayon, lumalabas po ‘no kung sila na po ay mayroon ding mga na-detect,” suno kay Ho.
Sang Nobyembre 26, gin-suspinde na sang Pilipinas ang byahe halin sa South Africa, Botswana, Namibia, Zimbabwe, Lesotho, Eswatini, kag Mozambique.
Tubtub sa December 15 ang suspension. Katuyuan sini nga malikawan nga makasulod ang Omicron variant sa pungsod.
Ini nga mga pungsod ang reported nga may local cases ukon “with the likelihood of occurrences of the B.1.1.529 variant,” suno kay Cabinet Secretary and acting presidential spokesperson Karlo Nograles. ##
