Lain ang senaryo nga lauman kun madesisyunan sang Korte Suprema nga i-disqualify si presidential aspirant Ferdinand ‘Bongbong’ Marcos, Jr antes ang eleksyon kag lain man ang senaryo kun hinali nga mag-guwa ang desisyon pagkatapos sang eleksyon.
Lakip ini sa mga ginkonsiderar matapos nga lima ka disqualification cases ang gin-file sa Comission on Elections (Comelec) agud balabagan ang kandidatura ni Marcos sa pagka-presidente sa 2022 elections.
May yara sang naga-claim nga ang COC ni Marcos ang naga-unod sang multiple false material representations — butang nga gintawag sang kampo ni Marcos nga predictable nuisance petition.
May yara man sang petition nga gin-file agud kabigon si BBM bilang nuisance candidate — butang kun sa diin nag-file man ang kampo ni Marcos sang counter case.
May naga-claim man nga napatay na ang matuod nga BBM kag ginaalegar nga impostor lang ang BBM nga nag-file sang COC sa pagka-presidente.
Kun basehan ang dalagan sang mga kaso sa Pilipinas, ginapanan-aw nga basi kun mapatigayon na ang eleksyon kag wala pa ang desisyon sang Comelec bangud may yara pa sang “pending issues nga kinahanglan i-resolve.”
Suno kay Atty. Nelson Borja, isa ka criminal law expert, pat-od nga ipasaka ini nga petitions sa Korte Suprema kag hulaton ang ‘decision with finality’.
Kun ma-disqualify si Marcos antes ang eleksyon, yari ang matabo suno kay Borja:
– Kinahanglan ang replacement sa iya kandidatura sa pagka-presidente apang dapat nga ka-apelyido niya ang mabulos; kag
– Sa idalom sang Comelec rules, pwede nga maka-replace ang isa ka kandidato tubtub sa mid-day sang election, buot silingon, tubtub sa udto sang Mayo 9, 2022
Samtang, kun halimbawa, magdaog si Marcos, na-eleher bilang presidente, apang na-guwa ang desisyon sang Korte nga disqualified siya sa posisyon, yari ang matabo:
– Kinahanglan nga mag-step down si Marcos sa pagka-presidente; – Ma-take over sa pagka-presidente ang magadaug nga bise-presidente; kag,
– Sa idalom sang Konstitusyon, ang magabulos sa pagka-bise presidente amo ang Senate President
