Pag-abot sa pagpakot kun bala ang isa ka tawo ukon suspek nagahambal sang matuod ukon nagabinutig, limitado lang ang aton nga pamaagi.
Apang may isa ka grupo sang Israeli researchers nga nag-imbento sang isa ka pinasahi nga lie detector.
Gamit ang stickers nga may electrodes nga naga-monitor kag naga-measure sang aktibidad sang muscles kag nerves, natukiban sang grupo nga kun nagabutig ang isa ka indibidwal, naga-activate ang muscles sini sa guya kag kilay.
Suno sa pinuno sang grupo nga si Prof. Dino Levy, wala pa sang sensors nga makatakos sang muscle contractions magluwas sa ila gin-imbento nga stickers.
Sa ginpatigayon nga tests sa gin-imbento nga X-trodes sensors, 73% ang success rate sa lie identification kun sa diin natukiban nga mas epektibo ini sa iban pa nga existing technology.
Pahayag sang mga researchers, sa tion nga nga magsaka ang rate sang ila gin-imbento nga lie detection, ini nga teknolohiya ang mahimo gamiton sa police interrogations, airport, online job interviews, kag iban pa.
