Patigayunon sang Probinsya sang Iloilo ang national vaccination sa mga naga edad 12 pataas sa Pebrero 9 tubtub Pebrero 11.
Sa interview sang Bombo Radyo kay Atty. Ma. Socorro Quiñon, pinuno sang Iloilo Provincial Health Office (PHO), iya ginpahayag nga ginapatuman ang national vaccination agud nga maengganyo ang mga unvaccinated individuals nga magpabakuna na batok sa COVID-19.
Suno kay Quiñon, madamo sa gihapon sa mga banwa sa probinsya ang may mataas pa nga numero sang mga wala nabakunahan.
Yari ang masunod nga mga munisipalidad nga may madamo nga unvaccinated individuals:
- Oton (19, 650)
- Miag-ao (18,156)
- Lambunao (14,456)
- Passi City (14,107)
- Cabatuan (13,973)
- Calinog (12,889)
8 Carles (12, 887)
9 Dumangas (11,656)
10 Pavia (10,989)
Ang ini nga mga banwa ang may pinakamataaas man nga populasyon sa bilog nga Probinsya sang Iloilo.
Apang, indi ini rason bangud gina-engganyo sang gobyerno nga madamo ang magpabakuna agud nga maproteksyunan ang kaugalingon kag ang tawo sa palibot.
Nagpanawagan man si Quiñon sa mga Barangay Kapitan nga listahon ang mga wala pa nabakunahan sa ila nga lugar.
Nagpangabay man ini sa tagsa ka local government unit (LGU) nga mas pasangkaron ang ila vaccination rollout kag ma-engganyo ang mga tawo nga magpabakuna.
