Ginbali sang Malacañang ang pahayag sang kampo ni presidential candidate Ferdinand “Bongbong” Marcos, Jr. nga nagpositibo sa COVID-19 si Presidente Rodrigo Duterte matapos nga naka-close contact sa isa ka infected nga staff member.
Suno kay acting Palace spokesman kag Cabinet Secretary Karlo Nograles, lunsay negative ang resulta sang COVID RT-PCR tests sang presidente.
Matandaan nga ang spokesman ni Marcos nga si Atty. Vic Rodriguez ang nagpahayag nga infected sang virus ang presidente rason nga wala ini naimbitar sa ginpatigayon nga proclamation rally sang Uniteam sang nagligad nga Martes.
Yara sa amo nga proclamation rally ang presidential daughter nga si Davao City Mayor Sara Duterte-Carpio nga amo ang runningmate ni Marcos.
Una na nga ginpahayag sang Malacañang nga nagpaidalom sa quarantine si Duterte bangud naka-close contact sa COVID-positive household staff sang Enero 28.
Ginapahayag nga Pebrero 3 sang natapos ang quarantine sang presidente.
