Gina-insister sang Commission on Elections (Comelec) nga may yara sang pahanugut naghalin sa supporters ni Vice President kag presidential aspirant Leni Robredo ang ila pagpangkakas sang oversized tarpaulins kag banners nga natapik sa guwa sang residential kag privately owned establishments.
Apang, suno kay Barry Gutierrez, Spokeperson ni Robredo, ang pagpangkakas sang campaign posters ang naglapas sa ila resolusyon nga nagapahanugut sa mga private property owners nga magkwestyon sa pagsulundan sang poll body.
Suno kay Gutierrez, ang resolusyon sang COMELEC ang naga-regulate lamang sang campaign materials nga gingastuhan sang mga kandidato kag political parties, kag indi lakip ang ginpondohan sang ila supporters.
Ginpanginwala man sini ang pahayag sang COMELEC nga ginpahanugutan sang mga supporters ni Robredo ang pagpangkakas sang iya campaign posters.
Suno naman kay Benedict Calderon, campaign coordinator ni Robredo sa Isabela, ang pagtabon sa mural painting kag pagkakas sang campaign materials ang naglapas sa free speech.
Apang, suno naman kay Comelec spokesperson James Jimenez, bag-o pa man patigayunon ang “Oplan Baklas”, may yara na sang instruction ang COMELEC nga siguraduhon nga magpangayo sang cosent sa private owners.
Kinahanglan man nga i-eksplekar sa mga ini ang rason kun ngaa kinahanglan pangkakason ang mga campaign posters.
Nahibalu-an nga gindepensahan naman ni Department of Interior and Local Government (DILG) Secretary Eduardo Año ang ‘Oplan Baklas’ sang COMELEC.
Suno kay Año, ginpatuman lang sang COMELEC ang ila mandatu nga pangkakason ang mga oversized kag illegally placed campaign materials.
