Gin-anunsyo sang Ukraine defense ministry nga may yara sang narekord nga 20 ka ceasefire violation nga tuga sang Russian forces.
Ginpahayag nga 18 naman ka Russian utilized weapon ang gingamit nga ginadumilian sa sulod sang Minsk Agreements.
Ang Minsk II agreement ang nangin paamagi agud nga mapatuman ang ceasefire sa tunga sang Ukrainian military kag Russian-backed separatist forces, gin-ban man ang heavy weapons malapit sa line of contact sa tunga sang duha ka grupo.
Ginpahayag naman ni Russian Ministry of Emergency Situations, Alexander Chupriyan nga masobra na sa 40,000 ka indibidwal ang nag-abot sa Russia matapos nga gin-evacuate halin sa self-proclaimed Donetsk kag Luhansk People’s Republic nga parte sang Ukraine Territory.
Suno naman kay Bombo International Correspondent Ejay Merced, ang Donetsk kag Luhansk People’s Republic ang indi gusto sa liderato sang Ukraine.
Ang ini nga mga estado ang may gusto nga magpasakop sa Russia.
Suno sa iya, ang Russia nag nag-responde lang sa napangayo nga bulig sang Donetsk kag Luhansk People’s Republic.
Sa pihak sini, sa bahin naman sang Kyiv (ang central state sang Ukraine) ang nagapangayu naman sang bulig sa US.
Suno kay Merced, wala sang makabig nga gyera sa tunga sang Ukraine kag Russia kun wala nagapahilabot ang mga Western states.
Ini kasunod man sang ginapgwa nga pahayag sang US nga dayunon kag planado na ni Russian Presidente Vladimir Putin ang pag-invade sa Ukraine.
Kun tan-awon suno sa natungdan, ang tensyon ang yara lamang sa sulod sang Ukarine territory.
Apisar sang promisa ni Russian President Putin nga wala sang may matabo nga gyera kag invasion, nakabatyag naman sang kakulba ang pila mga Pilipino sa Russia bangud sa wala untat nga military movement sa amu nga pungsod.
Apang suno kay Merced, ila nahibalu-an nga wala sang plano nga invasion ang Russia.
