Ginkumpirma sang Human Rights Group sa Philippine Consulate sa Hong Kong nga matuod ang mga nagalapta nga isyu nga gina-abondona ang mga Filipino worker sang ila employers sa tion nga mahibaluan nga nagpositibo ang mga ini sa COVID-19.
Suno kay Eman Villanueva sang BAYAN Hong Kong kag Macau, magluwas nga ginapalayas ang Filipino workers sang ila employers, wala naman ang mga ini ginapabalik sa trabaho.
“Mayroon nga tayong mga kababayan na nag-positive sa COVID but because asymptomatic or ‘yung iba mild ang symptoms, hindi sila ina-admit sa hospital kasi overwhelmed ‘yung mga public hospitals. Siyempre marami sa kanila, dinismiss na sila along the way.”
Pahayag ni Villanueva, padayon man ang pagbulig sang ila opisina sa mga Overseas Filipino Workers (OFWs) nga na-stranded sa airports bangud sa delayed nga paggwa sang ila RT-PCR test results.
Nahibaluan nga isa ang Hong Kong sa mga pungsod nga ginbansagan nga may ‘worst COVID-19 outbreak’ kasunod sang narekord nga linibo ka kaso sang virus sa sulod lang sang isa ka-adlaw nga nagresulta sa pag-alalawas sang pasyente sa mga ospital.
