Nagpatawag sang emergeny Security Council meeting ang United Nations matapos nga nagmandu si Russian President Vladimir Putin sang deployment sang Russian military troops sa duha ka ginakabig breakaway regions sang Ukraine.
Una na nga ginpahayag ni Putin nga ang deployment sang Russia ang para sa peacekeeping sa rebel-held Donetsk kag Luhansk regions sang Ukraine.
Nagapati naman si US Ambassador Linda Thomas-Greenfield, ang amu nga lihok ni Putin ang paagi agud nga makadeploy ini sang dugang nga invasion force sa border sang Ukraine.
Pinaagi naman sa televised speech, gintawag ni Putin ang Ukraine nga “failed state” kag “puppet” sang Western countries.
Makapila ka beses naman nga gindumili-an ni Putin ang anu man nga Security Council session bilang amu ang naga-hold sang rotating presidency sang konseho apang sa gihapon ginpatigayon sang United States.
Wala naman nagpagwa sang dugang pa nga detalye ang Moscow, Russia angut sa deployment sang “peacekeeping” forces.
