ILOILO CITY- Padayon pa nga ginaimbestigahan sang Bureau of Fire Protection ang kabangdanan sang sunog sa isa ka punerarya sa Iloilo kun sa diin isa ka bangkay ang nadala sa nasunog.
Sa interview sang Bombo Radyo Iloilo kay SFO3 Francisco Arevalo, acting Municipal Fire Marshall, iya ginpahayag nga totally burned ang Salome Gasapo Funeral Services nga nahamtang sa Magsaysay St., Guimbal, Iloilo kun sa diin nagalab-ot sa P2 million ang balor sang nasunog nga propiedad.
Suno kay Arevalo, ang nasunog nga bangkay sang isa ka lalaki ang natalana kuntani nga dal-on sa ila balay subong nga adlaw.
Magluwas diri, nasunog man ang kapin 50 ka mga lungon kag pila ka salakyan sa sulod sang compound sang punerarya.
