Ginlakip sang Philippine Olympic Committee (POC) si world No. 5 pole vaulter EJ Obiena kag ang iya nga Ukrainian coach nga si Vitaliy Petrov sa team sang Pilipinas para sa SEA Games sa Vietnam.
Una diri, nagpamalibad ang presidente sang Philippine Athletics Track and Field Association (PATAFA) nga i-endorso sanday Obiena kag Petrov nga dal-on sa delegasyon sang pungsod.
Apang suno kay POC President Bambol Tolentino, ang POC ang may yara sang final say sa pag-accredit sa mga myembro sang national delegation.
Ang 31st Southeast Asian Games ang patigayunon na sa bulan sang Mayo.Mangin ang Kamara ang nagapanawagan na kanday Obiena kag sa PATAFA nga ipaiway anay ang away kag magtutok sa pagdala dungog sa pungsod paagi sa pag-compete sa SEA Games.
Ang away nanday Obiena kag sang PATAFA ang nagdangat na sa Court of Arbitration for Sport matapos nga nag-file si PATAFA president Philip Juico sang complaint batok sa nasambit nga Tokyo Olympian kag amo man pati sa POC.
Nadalahig diri ang liquidation ni Obiena sa sweldo sang iya coach nga sang ulihi naglab-ot pa gid sa akusasyon ni EJ nga gina-harass siya sang iya nga national sports association.
