Posible nga mabaton na sang mga operators kag drivers ang ila nga fuel subsidy sa masunod nga semana.
Sa interview sang Bombo Radyo kay Mr. Raymundo Boyet Parcon, presidente sang Iloilo City Loop Alliance of Jeepney Owners and Drivers Association ( ICLAJODA) kag chairperson sang Western Visayas Transport Cooperative, iya ginpahayag nga tuyo gid nila nga makahinun-anon ang Land Transportation Franchising and Regulatory Board (LTFRB) Region 6 angut sa pila ka mga operators kag drivers nga wala sang pasada card.
Kun wala sang pasada card, wala man sang mabaton nga subsidy ang mga drivers kag operators.
Suno kay Parcon, nagpasalig naman si LTFRB 6 director Richard Osmeña nga iya himuan sang paagi agud nga mag-abot ang ila pasada card bag-o pa ang pondo sang fuel subsidy.
