Amat-amat na nga nagasaka ang presyo sang mga nagapanguna nga mga balaklon sa mga merkado.
Sa interview sang Bombo Radyo kay Iloilo City Mayor Jerry Treñas, iya ginpahayag nga wala na sang may mahimo kun ang mga free enterprise ang may pagsaka sa ila nga raw materials, lauman na nga mataas man ang presyo sang ila mga produkto.
Suno kay Treñas, mahimo nga butangan sang gobyerno sang ‘maximum’ price ang mga balaklon.
Sa bahin naman sang national government, kinahanglan nila nga magpagwa sang deklarasyon angut sa presyo sang mga balaklon.
Imposible man suno sa alkalde nga i-suspende ang excise tax kag Value-Added Tax (VAT) sa produktong petrolyo.
