ILOILO CITY – Masami sa aton ang nagagamit sang cotton buds sa pagtinlo sang aton dulunggan pagkatapos magpaligo.
Apang, nakahibalo ka bala nga ang paggamit sang cotton buds ang indi advisable suno sa eksperto?
Huo, insakto ang nabatian mo.
Sa interview sang Bombo Radyo Iloilo kay Dr. Carlito Altimo, ENT Specialist, iya ginpahayag nga ang cotton buds ang nagatulod pagid gani sang higko nga magsulod sa imo dalunggan.
Agud nga mangin safe ang pagtinlo sang dalunggan, pahiran gid lamang sang matinlo nga tissue.
Dugang pa ni Altimo, ang aton dalunggan ang may yara sang self cleaning ability.
Gani, ang imo dira nga ginbakal nga cotton buds, isli nalang sang tissue.
