Ginbuksan sang Commission on Elections (COMELEC) ang National Printing Office (NPO) agud nga ipakita ang proseso sa pag-imprinta sang balota bangud man sa pila ka transparency concerns naghalin sa nagkalain-lain nga election stakeholders.
Madamo na sa mga election stakeholders ang nagareklamo nga wala sila ginatugutan nga magobserba sa printing sang balota nga amo ang gamiton sa May 9, 2022 elections.
Sa amo nga concern, ginpahayag ni election lawyer Romulo Macalintal nga kinahanglan pahanugutan sang COMELEC ang “random inspection” sa printed ballots.
Suno naman kay Comelec Commissioner George Garcia, ginapahanugutan sang poll body ang political parties nga i-inspect ang NPO kag mahimo ma sila nga magpili sang ila natuyuan nga balota.
Sa mga ti-on suno sa COMELEC nga gindumilian ang paglantaw sa printing process, mahimo suno sa ila nga i-review ini pinaagi sa CCTV footage.
Sa subong, 73.7% sa mga balota para sa Automated Election System (AES) ang natapos na nga na-imprinta.
Ginkumpirmar naman sang COMELEC nga masonra sa 5 million ang defective AES ballots.
Suno sa poll body, may yara sang anom ka unit sang machines nga maka-print sang 67,442,714 ka balota sa diin 1,697,202 diri amo ang para sa overseas voting kag 65,745,512 ang para sa local voting.
