Hugot nga ipatuman sang Commission on Elections (COMELEC) Iloilo Province ang ila nga monitoring sa pagpangampanya sang mga lokal nga kandidato sa pagsugud sang local campaign period.
Sa interview sang Bombo Radyo kay Atty. Ian Lee Ananoria, Provincial Election Supervisor sang COMELEC Iloilo Province, iya ginpahayag nga indi pagdulaon sang COMELEC ang monitoring bangud sa posible tensyon ukon violations nga makomiter sang mga supporters ukon kandidato samtang nagapatigayon sang kampanya.
Suno kay Ananoria, ila man nga tutukan ang pagpatuman sang security measures ilabi na sa mga lugar nga gintumod election area of concern.
Nagpanugyan man ini sa mga kandidato kag political parties nga mag obserba gid sang minimum public health protocols sa ila pagpangampanya agud malikawan ang mabudlay nga sitwasyion sa eleksyon kun liwat nga magsaka ang kaso ang COVID-19.
Samtang, pasangkaron pa sang COMELEC Iloioilo Province ang voter’s education campaign sa subong nga 2022 elections.
Suno kay Ananorias, sugudan na ang road show ang Vote Counting Machine (VCM) sa masunod nga semana.
Ginalantaw nga maabot na ang VCM kag ang mga offcial ballots sa Iloilo Province sa katapusan sang Abril bangud magasugod na ang COMELEC sa actual execution sang eleksyon sa una nga semana sang Mayo.
