ILOILO CITY – Nagpanindugan ang kampo ni former Senator Ferdinand “Bongbong” Marcos Jr. nga pending sa gihapon sa korte ang ginapahayag unpaid estate tax liability nga nagdangat sa P203 billion.
Suno sa spokesperson ni Marcos nga si Atty. Vic Rodriguez, ang isyu sang P203B nga unpaid taxes ang ginagamit gid lamang sang mga kasumpong ni Macos sa pamulitika.
Suno kay Rodriguez, wala pa sang finality ang nasambit nga kaso kag pending sa gihapon sa korte.
Apang, suno kay Retired Supreme Court (SC) Associate Justice Antonio Carpio, ang court ruling sang 1997 nga ginkumpirma sang Court of Appeals sa P23B nga estate tax ni Marcos ang “final and executory”.
Humalin sadto, ang utang sang pamilya sang anay diktador nga si Ferdinand Marcos Sr. ang nagdangat na sa P203 billion lakip na ang interest.
Dugang pa ni Carpio, ginpadugay pa sang mga Marcos ang isyu sa korte kag nag-file sang motion for reconsideration sa Supreme Court apisar nga ang ini nga mga motions ang wala ginapahanugutan sang layi.
Ginkumpirma naman sang Bureau of Internal Revenue (BIR) nga nagpadala na sila sang sulat sa pamilya Marcos kag naga-demand nga i-settle na ang ila utang.
