Masobra isa ka bulan na lang ang nabilin antes ang eleksyon apang nagapanindugan si Presidente Rodrigo Duterte nga neutral siya gihapon kag wala sang gina-endorso nga kandidato sa pagka-presidente.
Ginpahayag ini ni Duterte sa iya pagsapol sa national kag regional task forces to end the local armed conflict sa Lapu-lapu City subong nga gab-i.
Antes sini, may mga huring-huring nga si former Senator Ferdinand Marcos Jr. ang posible nga i-endorso ni Duterte bangud si Marcos ang nakakuha sang endorsement sang ruling party nga Partido Demokratiko Pilipino-Lakas ng Bayan (PDP-Laban) – Cusi Faction.
Dugang pa diri ang nangin kumpirmasyon nga naka-istoryahanay man sanday Marcos kag Duterte sa isa ka pribado nga meeting sa Malacañang.
Ini ang magluwas pa nga si Marcos man ang runningmate sang anak ni Duterte nga si Davao City Mayor Sara Duterte-Carpio.
Apang subong nga gab-i, pahayag sang presidente: “I’m not supporting any presidential candidate. Neutral ako. (I’m neutral). This is not a campaign because I’m not campaigning for any particular candidate. Stop ***** with me kasi hindi ito politika.” ##
