Wala na sang plano si Senator Manny Pacquiao nga magbalik sa boxing ring bisan anuman ang mangin resulta sang presidential race sa Mayo 2022.
Sa exclusive interview sang Bombo Radyo sa presidential candidate, ginpahayag sini nga naka-anunsyo na siya sang iya nga retirement sa iya karera sa boksing kag handa na siya nga ihatag ang nabilin nga pwersa sa pagserbisyo sa tawo bilang isa ka public servant.
“Nag-announce na ako ng retirement sa taong bayan. Hayaan nila na yung natitira kong lakas i-alay ko sa pagseserbisyo sa taong bayan. Gusto kong tulungan lahat. Hindi ko na kailangang yumaman diyan sa gobyerno. Hindi ko na kailangan pang sumikat. Ang kailangan ko lang ay ang mga kasama kong mahihirap dahil gusto kong matulungan sila na umunlad din sa pamumuhay. Yan ang misyon ko. Commitment ko yan sa Panginoon at sa tao,” suno kay Pacquiao.
42 anyos ang nasambit nga Filipino icon sang opisyal sini nga gin-anunsyo ang iya pag-retiro sa boxing.
Siya ang nagaisahanon nga boksidor sa bilog nga kalibutan nga nakadaug sang world titles sa walo ka divisions.
Agusto sang nagligad nga tuig sang katapusan nga nakahampang si PacMan. Ginpierde siya ni WBA world welterweight champion Yordenis Ugas paagi sa unanimous decision sa hampang sa Las Vegas. ##
