ILOILO CITY – Exciting suno sa Commission on Elections (COMELEC) ang modifications sa patigayunon nga ikaduha nga hugnat sang PiliPinas Debate 2022 karon sa gab-i.
Mangin sentro sang debate ang isyu sa government accountability, foreign relations at safety and security.
Agud nga mas exciting ang pagbayluhanay sang pahayag sang mga kandidato, gin-islan sang COMELEC ang sistema.
Una na nga ginpahayag ni COMELEC Spokesperson James Jimenez nga mas ginpalawig pa sa duha ka minutos ang tyempo nga ihatag para sa mga kandidato kung ikumpara sa 90 segundos sang nagligad nga Marso 19.
May yara man sang 30 ka segundos ang mga kandidato para sa rebuttal.
Ang siyam ka mga kandidato ang hatagan sang 60 seconds para sa ila nga closing statement.
Sa amo nga format, tunga-on ini sa apat ka mga segment.
Ang una nga segment sang debate, sabton sang tanan nga kandidato ang general question.
Ang dugang pa nga modification amo nga sa iban pa nga segment, tunga-on ang mga kandidato sa tatlo ka grupo kag hatagan sang tag-isa ka pamangkot nga amo ang mangin sentro sang ila nga debate.
Ang groupings ang mahibaluan pinaagi sa draw lots, las-singko sa karon sa hapon.
Sa pinakaulihi nga impormasyon, si former Sen. Bongbong Marcos ang indi na naman magtambong sa amo nga debate.
