Ginahandaan na sang Qatar bilang host sang FIFA World Cup 2022 ang pagsugod sini sa Nobyembre 21 nga magatakop sa Disyembre 18.
Ang FIFA World Cup ukon mas kilala nga World Cup, ang isa ka international association football competition nga ginapasakupan sang senior men’s national teams nga myembro sang sport’s global governing body nga Fédération Internationale de Football Association.
Suno kay Bombo International Correspondent Queny Gajete Parcon,– direkta sa Qatar, makita na sa mga dalanon sang amo nga pungsod ang mga naka-display nga flags sang nagkalain-lain nga nationalities nga amo ang magapasakop sa World Cup 2022.
Ang Qatar ang nagpreparar man sang walo tanan ka mga stadiums nga patigayunan sang football games.
Suno kay Parcon, may yara naman sang mga assigned catering para sa mga pagkaon sang mga team players.
Ginpasigurado man sang natungdan nga safe kag tuman ka baskog ang security sa Qatar bangud ini isa sa makabig ‘safest country’.
Sa subong suno sa natungdan, wala pa nagakapuno ang mga accommodation facilities sa Qatar apang ginalantaw nga sa Agosto magasugod nga magdagsa ang mga turista sa amo nga pungsod.
