ILOILO CITY – Nagdepensa si Presidente Rodrigo Duterte kun ngaa nga ginpasaugtan niya ang operasyon sang e-sabong sa pungsod.
Suno sa presidente, kinahanglan sang gobyerno ang ginansya nga naghalin sa e-sabong bangud nga naubos ang kwarta sa gasto sa pandemya.
Ginbali sang presidente ang pagduda sang pumuluyo kag ginklaro nga wala siya sang kilala sa e-sabong operation kag ang Philippine Amusement and Gaming Corporation (PAGCOR) amo ang imbolbado dira.
Ginpasugtan niya ang e-sabong bangud sa P640 million nga balik sa gobyerno sa tagsa ka bulan.
Suno sa presidente, kinahanglan ang kwarta para sa galastuhan apang wala sang budget kag indi makuha sa budget gani, kuhaon sa outside sources.
Pahayag dugang sang presidente nga mangin ang contingency fund niya ang naubos naman pati na ang intelligence fund bangud sang pandemya.
Apang, may mga impormasyon nga nakalab-ot sa presidente nga madamo sang nagapusta sa e-sabong kag ginprenda na ang kagamitan.
Kung mapamatud-an ini sang presidente, gilayon niya ini nga untaton kag i-sakripisyo ang binilyon nga kita sang gobyerno.
Kung madumduman, madamo sang mamalidha ang nag-apelar nga untaton na ang operasyon sang e-sabong kasunod sang pagkadula sang masobra 30 ka mga manugbulang umpisa pa sang nagligad nga tuig.
