ILOILO CITY – Naka-alerto na ang tanan nga emergency agencies sa probinsya sang Guimaras bilang preparasyon sa posible epekto sang bagyong Agaton apisar nga wala sang storm signal sa lugar.
Sa interview sang Bombo Radyo kay Teresita Siason, head sang Guimaras Provincial Disaster Risk Reduction & Management Office, iya ginpahayag nga magluwas sa ila opisina, preparado man ang Philippine Coast Guard (PCG), Philippine National Police (PNP), Philippine Army, kag
Bureau of Fire Protection (BFP).
Dugang pa ni Siason, may yara na sang responding team nga naka-alerto kag nakahanda na ang mga equipment nga mahimo gamiton sa tion sang emerhensya.
Suno kay Siason, may yara sang 92 ka mga barangay nga ginkabig sang Mines and Geosciences Bureau (MGB)- VI nga prone sa landslide.
Ang ini nga mga barangay kag ang iban nga mga coastal barangays ang ginpa-alerto na sang PDRRMO.
