Gina-abisuhan sang Iloilo Provincial Government ang kabanwahanan sa probinsya sang Iloilo nga mag-monitor gid sang sitwasyon bangud sa malain nga tyempo dala sang Tropical Storm Agaton.
Sa latest record sang Iloilo Provincial Health Disaster Risk Reduction and Management Office (PDRRMO), wala pa sang reported nga mamunog nga pag-ulan kag pagbaha sa mga banwa apang ginapanugyan gihapon nga mag-aligmat ang mga residente.
Sa interview sang Bombo Radyo kay PDRRMO Head Dr. Jerry Bionat, iya ginpahayag nga wala man sang pagtaas sang lebel sang tubig sa mga suba, pagtiphag sang duta, ukon pagdaganas sang tubig.
Sa meeting sang Regional Disaster Risk Reduction and Management Council (RDRRMC), ginplastar man sang Mines and Geosciences Bureau (MGB) Region VI nga 3,873 ka mga barangay sa Western Visayas ang posible nga maapektuhan sang pagbaha kag pagtiphag sang duta dala sang padayon nga pag-ulan.
Sa sini nga mga barangay, 1,828 ang nahamtang sa probinsya sang Iloilo.
