ILOILO CITY – Nag walk-out ang mga finance ministers nagikan sa nagkalain-lain nga pungsod sa ginpatigayon nga closed-door G20 session sa Washington sang nagsugod na sa paghambal ang Russian delegate.
Ang pag walk-out sang mga Finance ministers ang kabahin sang pagpakita sang protesta sa Moscow sa nagapadayon nga pagsakop sa Ukraine.
Kabahin sang mga nag wlak-out amo si US Treasury Secretary Janet Yellen kaupod ang mga European kag iban nga Western officials nga nagpasakop sa amo nga session.
Sa tweet ni Canadian finance minister Chrystia Freeland, ang demokrasya sang kalibutan ang indi magpasugot sa nagapadayon nga kinagamo kag war crimes nga ginahimo sang Russia.
Kabahin sang tweet niya ang litrato sang mga opisyal nga nagbiya sa session kaupod sanday Yellen, US Federal Reserve Chairman Jerome Powell kag European Central Bank President Christine Lagarde.
Antes pa man ang meeting, ginpahayag sang US officials nga indi si Yellen magtambong sa ano man nga session nga yara ang tiglawas sang Russia kag ginpaandaman na ang host country nga Indonesia.
Santo sa report, naistoryahan na sang mga finance ministers nga i-boycott ang partisipasyon sang Russia.
Sa G20 session, nangin imbitado nga bisita ang pila ka Ukranian officials nga kabahin man sa nag walk-out.
Ang G20 finance ministers ang nagtingob sa Washington para sa annual meeting sang World Bank kag International Monetary Fund.
