ILOILO CITY – Mahimo nga mapa-aresto sang Commission on Elections (COMELEC) ang sin-o man nga indibidwal nga magtuga sang kinagamo subong nga election period.
Ini matapos man sang nangin paandam ni COMELEC Commissioner Rey Bulay sa kun sin-o man ang magtuga sang disorder sa eleksyon ang ipadakop sa Armed Forces of the Philippines (AFP).
Sa interview sang Bombo Radyo kay Atty. Rhoan Hiponia, Bombo abogado, iya ginpahayag nga base sa Article 9, section 2, paragraphs 1-4 sang 1987 Constitution, sa subong nga tion, ang COMELEC ang may yara sang full control sang sitwasyon kag deputized ang AFP nga magpatuman sang layi nga may concurrence sang presidente.
Apang suno kay Hiponia, ang ano man nga lihok sang COMELEC ang nakabasi sa layi, buot silingon, indi mahimo nga mang-aresto lang ang otoridad sang bisan sin-o nga wala sang nagakaigo nga basehan.
