Ginkumpirma sang mga opisyal sa Ukraine nga naglunsar ang Russia sang panibag-o nga airstrike sa Azovstal steel factory sa syudad sang Mariupol.
Natabo ang pagpamomba kadungan mismo sang Orthodox Easter Sunday.
Kapin duha ka bulan na nga ginatinguhaan sang Russia ang makontrol ang Mariupol, bangud kun makuha ini nga syudad, apang may ginabanta 2,000 ka Ukrainian troops nga wala gid naga-untat sa pagbato.
Ang Azovstal steel plant amo ang palanaguan sini nga mga soldado kag may mga sibilyan man nga nagapanago sa tunnel system.
Suno mismo sa Ukrainian Armed Forces General Staff, gina-target ini sang Russia paagi sa air strikes lakip na ang paggamit sang long-range aircraft.
Ini nga pagpambomba ang natabo man samtang natalana nga makigsapol si Ukraine President Volodymyr Zelenskyy kay U.S. Secretary of State Antony Blinken kag Defense Secretary Lloyd Austin sa Kyiv.
Suno kay Zelenskyy, nagapaabot ang Ukraine nga makabaton sang dugang nga mga armas halin sa Estados Unidos.
Ini ang una nga bes nga magabisita ang high-level U.S. officials sa Kyiv halin sang nagsulod ang Russia sa teritoryo sang Ukraine sang Pebrero 24. ##
