ILOILO CITY – Nagtaliwan na ang Haponesa nga ginkabig nga pinakatigulang nga tawo sa kalibutan sa edad sa 119.
Si Kane Tanaka ang ginbun-ag sang January 2, 1903 sa southwestern Fukuoka region sang Japan.
Suno kay Bombo International Correspondent Josel Palma, direkta sa Japan, si Tanaka ang nagtaliwan sang Abril 19 kag suno sa pamilya, gwa-sulod na sa ospital si Tanaka kag na-survive ang cancer sang makaduha ka bes.
Maayo pa ang ikaayong lawas ni Tanaka apang sang damlag lang, nagtinir ini sa nursing home kun sa diin, nag-enjoy ini sang board games, pagsabat sa math problems kag subong man pag-inom sang soft drinks kag pagkaon sang tsokolate.
Sang bata-on pa ini, si Tanaka ang nagapadalagan sang nagkalain-lain nga negosyo kaangay sang noodle shop kag rice cake store.
Ginkasal ini kay Hideo Tanaka sang 1922 kag nagbun-ag sang apat ka bata kag nag adoptar sang isa pa.
Siya kuntani ang magapasakop sa torch relay sang Tokyo Olympics sang nagligad nga tuig sakay sa wheelchair apang wala nadayon bangud sang pandemya.
Si Tanaka ang gin-recognize sang Guinness World Records nga pinakatigulang nga buhi nga tawo sang 2019.
Sa adlaw-adlaw, nagabugtaw ini sa tagsa ka alas-sais sa aga kag sa hapon, nagatuon ini sa mathematics kag calligraphy.
