ILOILO CITY- Nagpaandam ang Commission on Elections (COMELEC) sa mga indibidwal sa likod sang pagpalapta sang disinformation ukon fake news sa social media tuhoy sa May 9 elections.
Sa interview sang Bombo Radyo kay COMELEC Region 6 Director Atty. Wilfred Jay Balisado, iya ginpahayag nga apisar wala pa sang reported case ukon complaint sa rehiyon angot sa amo nga buluhaton, desidido ang talatapan nga panglagson ini nga mga tawo kun may mabaton sila nga reklamo.
Suno kay Balisado, himuon nila ang pagpasaka sang criminal charges apisar nga natapos na ang eleksyon sa bulig sang National Bureau of Investigation kag Philippine National Police .
Gin-engganyo naman ni Balisado ang tanan nga pumuluyo nga gilayon nga mag-report sa COMELEC kun may makit-an nga fake news agud gilayon nga mahatagan sang atensyon kag mapasakaan sang kaso.
