ILOILO CITY – Ginpanginbulahan ni Japanese Prime Minister Kishida Fumio si presumptive President Ferdinand “Bongbong” Marcos Jr. pinaagi sa isa ka sulat.
Suno sa Japanese Embassy, nagsulat si Fumio kay Marcos kag nagpabutyag sang plano nga padayon nga strategic partnership sa tunga sang duha ka pungsod sa idalom sang masunod nga administrasyon agud nga mapadayon man ang ‘Free and Open Indo-Pacific’.
Si Marcos Jr. ang nagapanguna sa presidential race nga may yara sang masobra 31-million votes base sa COMELEC partial and official results samtang nagapanguna man ang iya running mate nga si Davao City Mayor Sara Duterte-Caprio sa vice presidential race.
Magluwas kay Fumio, nagpanginbulahan na sanday Australian Prime Minister Scott Morrison, Chinese President Xi Jinping, Russian President Vladimir Putin kag United States President Joe Biden.
