ILOILO CITY- Ginsugata sang hublag protesta ang pagbisita ni presumptive president Ferdinand Bong Bong Marcos Jr. sa Australia.
Suno kay Bombo International Correspondent Denmark Suede, mismo sa atubang sang apartment complex kun sa diin ginpahayag nga nagtinir si Marcos nagpatigayon sang protesta ang mga myembro sang Filipino community.
Nagauyat ang mga protesters sang mga placard nga nakasulat ang “Reject Marcos-Duterte,” “Never Again to Fascism and Tyranny,” kag “Tax Evaders Not Welcome Here” nga nagapatuhoy sa unpaid estate tax liabilities sang pamilya Marcos nga nagalab-ot sa PHP203 billion (US$3.87 billion) as of 2021.
Nahibaluan nga ang pagpadulong ni Marcos sa Melbourne, Australia ang may kaangtanan sa pag-eskwela sang iya agot nga anak nga si Vincent sa University of Melbourne.
