ILOILO CITY- 368 na mga pampubliko kag pribado nga mga buluthuan sa idalom sang Department of Education (DEPED) Schools Division of Iloilo ang nagapatigayon sang limited face to face classes.
Sa interview sang Bombo Radyo kay Mr. Leonil Savilla, spokesperson sang DEPED-Division of Iloilo, iya ginpahayag nga kapin 30% na ini sang masobra sa 1170 ka public schools kag masobra sa 100 ka mga private schools sa bilog nga probinsya.
Suno kay Salvilla, sa subong, may yara sang dugang nga 449 ka mga eskwelahan ang ginrecommend para magpatigayon man sang progressive expansion sang limited face to face classes.
Nagalaum naman si Salvilla nga mapadasig ang pag-approve sang rekomendasyon agud mas magdamo pa ang mga eskwelahan nga makaaamat-amat na balik sa normal ang pamaagi sang pagtudlo sa mga estudyante.
