ILOILO CITY – Nagpagwa sang mandu ang Supreme Court nga naga-require sa respondent nga maghatag sang komento kaangut sa petition nga naga-kwestiyon sang ruling sang Commission on Elections (COMELEC) sa cancellation sang cerificate of candidacy (COC) ni presumptive President Ferdinand “Bongbong” Marcos, Jr. kag naga-request sa Korte Suprema nga mag-issue sang temporary restraining order (TRO) nga nagapauntat sang canvassing sang boto kag proklamasyon sang president kag vice presidential set.
Suno sa Supreme Court, ginapahatag sang komento ang COMELEC, si Marcos Jr., ang senado kag ang House of Representatives sa sulod sang 15 ka adlaw.
Wala man sang TRO ukon injunction nga gin-issue.
Bangud nga wala sang TRO ukon injunction kag 15 pa ka adlaw ang ginhatag sang Korte Suprema agud nga magsabat ang mga respondents, ang canvassing kag proclamation sa madaog nga presidente kag bise presidente ang madayon gid sa masunod nga semana.
Ang Korte Suprema ang yara pa subong sa decision-writing recess nga magalawig tubtub sa Hunyo 10.
Suno naman kay presumptive President Ferdinand “Bongbong” Marcos, Jr., indi mapunggan sang Supreme Court ang canvassing sang boto kag proclamation sang mga nagdalaog sa presidential kag vice presidential race.
Suno sa abogado ni Marcos nga si Atty. Estelito Mendoza, santo sa nagkalain-lain nga constitutional provisions, ang language kag intention sang provision ang nagapakita nga ang canvassing kag proclamation ang mandatory kag wala sang jurisdiction ang Supreme Court nga punggan ang implementasyon sini.
Kabahin sang mga constitutional provisions nga ginbasehan sang kampo ni Marcos amo ang section 1 sang Article VIII sang Constitution kag Article VII nga nagamandu nga ang presidente kag bise presidente ang nagasugod sang ila anum ka tuig nga termino las-dose sa udto sang Hunyo 30 kag nagatakop sa las-dose sa udto sang Hunyo 30 pagkatapos sang anum ka tuig.
Gin-cite man sang kampo ni Marcos ang section 4 sang Art. VII nga nagapahayag nga ang election returns sa presidential kag vice presidential race ang dapat nga buksan sang Senate President sa sulod sang 30 ka adlaw pagkatapos sang eleksyon sa patigayunon nga joint public session sang senado kag House of Representatives nga pagasundan sang canvassing sang boto kag ang may pinakamadamo sang boto amo ang i-proclaim nga nagdaog.
