ILOILO CITY – Gin-appoint ni Pope Francis si Filipino prelate Cardinal Luis Antonio Tagle bilang myembro sang Congregation for Divine Worship and the Discipline of Sacraments.
Ang ini nga departamento nga sa karon ang ginapamunuan ni English prelate Cardinal Arthur Roche amo ang responsable sa tanan nga affairs may kaangtanan sa liturgical practices sa Latin Church.
Si Tagle nga anay archbishop sang Manila ang nagaserbe bilang prefect of the Congregation for the Evangelization of Peoples humalin sang ginpatawag siya sang Santo Papa sa Rome sang 2020.
Siya man ang presidente sang Caritas Internationalis nga isa ka confederation sang global Catholic charities kag labing una nga Asyano nga nakakuha sang amo nga posisyon.
Magluwas sa Filipino cardinal, ang iban pa nga prelates nga gin-appoint sa liturgy department amo sanday Yangon Archbishop Charles Maung Bo; Chicago Archbishop Blase Cardinal Cupich; Papal Almoner Konrad Krajewski; Cardinal Kevin Joseph Farrell nga prefect of the Dicastery for the Laity, Family and Life; kag Archbishop Lazzaro You Heung-sik nga prefect of the Congregation for the Clergy nga lunsay kaalyado sang Santo Papa.
