ILOILO CITY – Gin-anunsiyo sang dako nga gas company sa Russia nga ma-untat na ini sang operasyon sang isa ka turbine engine sini sa Nord Stream 1 natural gas.
Bangud sini, tuman ang pagnubo sang gas delivery sa Europe.
Ang manufacturer sang gas turbine engine nga Siemens sang Germany ang napaslawan nga mag-provide sang overhaul service, nagdesisyon ang Gazprom nga untaton ang ikaduha nga engine sa Portovaya compressor station bangud sang technical condition.
Ang daily ouput sang Portovaya compressor station humalin sang 1:30 sang Huwebes, Moscow time ang wala na naglab-ot sa masobra 67 million cubic meters nga may pagnubo sang masobra 100 million cubic meters.
Sa amo man nga rason, ginpahayag sang Gazprom nga ang amount sang gas supply sa Nord Stream 1 pipeline ang maganubo halin sa 167 million cubic meters per day tubtob sa 100 million.
Ang Nord Stream 1 pipeline nga nakumpleto sang 2021 ang nagakonekta sang Vyborg City sa northwestern Russia kag Germany pinaagi sa Baltic seabed.
Agud nga malikawan ang overloading, ang Nord Stream 2 pipeline ang natapos sang 2021 apang gin-untat ang operasyon humalin sang naglunsyar sang special military operation sa Ukraine ang pungsod Russia sang Pebrero.
Ang European Union ang una na nga nag-ban sang Russian oil imports nga amo ang isa sa mga kawsa sang padayon nga pagsaka sang presyo sang produktong petrolyo sa pungsod Pilipinas.
