Patigayunon na subong nga adlaw, Hunyo 28, ang oathtaking sang na-eleher nga mga opisyal sa probinsya sang Iloilo.
Himuon ang oath of office sa Iloilo Provincial Capitol lobby 9:00 sa aga kun sa diin maga-administer si Senator Sonny Angara.
Sa interview sang Bombo Radyo kay Iloilo Provincial Administrator Atty. Dennis Ventilacion, iya ginpahayag nga posible magalawig sang duha ka oras ang aktibidad.
Una na nga ginpahayag ni Iloilo Governor Arthur Defensor Jr. nga abyan gid niya si Angara, isa ka fraternity brother sa UP College of Law, kag kaupod man niya sa una nga law office nga iya nga ginsudlan.
Bilang chairman sang Finance Committee sa Senado, si Angara man ang nagabulig suno kay Defensor para sa budget sa ospital sa probinsya.
Magluwas kay Defensor, maga-take oath man sanday reelected Vice Gov. Christine Garin kag ang Sangguniang Panlalawigan (SP) members.
Yari ang ginproklamar nga SP winners sa probinsya:
Sa 1st District: Valentine Serag kag Carmelo Nochete
2nd District: June Mondejar kag Rolito Cajilig
3rd District: Matt Palabrica kag Jason Gonzales
4th District: Domingo Oso Jr. kag Rolly Distura, kag
5th District: Binky Tupas kag Carol V. Espinosa-Diaz
