ILOILO CITY – Ang allergic rhinitis ang isa ka kondisyon kun sa diin, ang lining sang ilong ukon mucos membrane ang nagabanog bangud sang inflammation nga resulta sang exposure sa allergen.
Ang allergen ang wala sang malain nga epekto sa ikaayong lawas apang suno kay Dr. Ivy June Minerva-Soriano, isa ka pediatrician, ini ang nagatuga sang indi mapaktan nga reaction sa lawas ang indibidwal nga sensitibo pareho sang pag-develop sang allergy.
Bangud sini, ang mga cells sang immune system nga naga-produce sang chemical ukon protein kaangay sang histamine kag leukotrienes.
Ini ang nagadala sang sintomas sang allergy ukon allergic rhinitis kaangay sang pagpangatsi, palangatol sang ilong kag mata kag runny nose.
Suno kay Dr. Soriano, bisan sin-o lang ang mahimo nga maka-angkon sang allergic rhinitis.
Apang mas madako ang risgo sang isa ka bata nga may sulundon nga allergy nagikan sa mga ginikanan.
Ang mga rason sang allergic rhinitis amo ang exposure sa allergens nga yara sa sulod kag sa gwa sang balay kaangay sang dust mites, balahibo sang kuring kag ido, amag, tanga, pollen sang bulak, sa humayan kag nagikan sa hilamon.
Paano ini bulngon?
Dapat nga likawan ang exposure sa allergen, pag-take sang bulong kag para naman sa mga severe cases, dapat nga mag-undergo sa immunotherapy.
