Naga-gwa ang mga reklamo nga indi magpasakay ang mga mini bus nga may byahe Oton- Dumangas Port bangud ginapahayag nga ginapang-banggaan sila sang mga tricycle drivers nga nagabyahe man sa amo nga lugar.
Sandig sa reklamo sang commuters, kinahanglan pa nga magsakay padulong sa lugar kun sa diin gid naka-park ang mga mini bus — butang nga makatuga na sang huol.
Todo-panginwala naman ang mga tricycle drivers sang SNP Toda nga gina-sita nila mga driver sang mini bus ukon ang mga unit sang Aerostar 1Transport MCP.
Sa interview sang Bombo Radyo kay Sherwin Villa, isa sa mga tricycle drivers sa Dumangas Port, iya ginpahayag nga indi matuod nga ginasita nila ang mga mini bus kag ginatuman man kun ano ang nakasugtan.
Ang agreement suno kay Villa amo nga madul-ong lang sang pasahero ang mga mini bus apang indi na mag-pick up sa pantalan.
Ginpahayag sini nga nakahibalo man ang mini-bus drivers sa ila nga limitasyon sa byahe.
Nagapati si Villa nga himu-himo lang ang istorya batok sa mga tricycle drivers sa amo nga lugar.
