ILOILO CITY- Maga-offer sang Nursing Program ang Northern Iloilo State University(NISU).
Sa interview sang Bombo Radyo kay Dr. Bobby Gerardo, presidente sang NISU, iya ginpahayag nga yara na sa round tabe discussion ang pagtanyag sang amo nga kurso.
Suno kay Dr. Gerardo, target nila nga sa sulod sang isa ka tuig, matapos na nila ang proseso agud nga makabukas na sila sang amo nga programa.
Pahayag niya, sa ginpatigayon nga survey sa 11 ka mga banwa sa 5th district, madamo na sang mga estudyante ang nagpabutyag sang interes nga mag-enroll sa kurso kun i-offer na ini.
Magluwas sa Iloilo, ginakabig naman nga potential areas sang mga estudyante ang Capiz kag Aklan.
Matandaan nga gin-lift na sang Commission on Higher Education (CHED) ang 11-anyos nga moratorium nga nagdumili sa mga kolehiyo kag unibersidad nga magtanyag sang nursing programs.
