ILOILO CITY- Liwat nga nagpaandam ang Department of Agriculture (DA) paagi sa Bureau of Animal Industry (BAI) nga padayon gihapon ang pag-ban sa pigeon racing nga isa ka common hobby bangud sa pagpamahog sang avian influenza (HPAI) sa Pilipinas.
Ang HPAI tuman ka makalalaton sa mga pispis kag mahimo magresulta sa kamatayon ilabi na sa mga manok.
Sa advisory, ginpahayag sang BAI nga ginpatuman ang ban bangud sa pagpangkangkat sa monitoring sang mga pating nga mahimo maka- contact sa wild birds nga posible carriers sang virus.
Sa interview sang Bombo Radyo kay Dr. Jonic Natividad, head sang DA Regulatory Division, iya ginpahayag nga base sa Memorandum Circular 27 series of 2022, ang pag- transport sang tubtob 10 ka pating ang pahanugutan paagi sa pagtuman sa pila ka kondisyon kalakip sang negative AI testing, veterinary health certificate kag Newcastle disease vaccination agud masiguro ang kinahanglanon sang breeding kag transfer sang mga pating.
Base sa record as of June 24, ang pungsod nakaresolba na 132 gikan sa 142 AI cases sa 95 ka apektado nga barangays sa 14 ka probinsya nga nagalakip sang Bulacan, Pampanga, Nueva Ecija, Tarlac, Bataan, Laguna, Camarines Sur, Sultan Kudarat, Benguet, North Cotabato, South Cotabato, Davao del Sur, Maguindanao kag Isabela.
Magluwas sa migratory wild birds, pila man sa posible nga halinan sang AI infection amo ang late ukon non-reporting sang suspect cases kag amo man sng illegal movement sang infected nga mga pispis.
