ILOILO CITY – Nagnubo na ang temperatura sa United Kingdom humalin sang adlaw sang Myerkules matapos ang na-record nga pinakamataas nga temperatura sa diin naglab-ot sa masobra sa 40 °C sa nagapadayon nga heatwave sa pila ka bahin sang Europe.
Suno kay Bombo International Correspondent Ramil Isogon direkta sa England, bangud sang tuman ka init nga temperatura, nagdangat sa 13 ang mga nagkalamatay sa diin, 13 diri ka mga pamatan-on ang napatay bangud nalumos sang nagpaligo sa dagat, reservoir kag mga lakes.
Nagdangat naman sa 60 ka mga panimalay ang nasunog bangud sang wildfire sa nagkalain-lain nga bahin sang UK.
Ang operasyon sang railway services ang na-disrupt, na-cancel kag na-delay bangud sa tuman ka init.
Bangud sining eksperyensya, nangin wake up call na ini sa gobyerno sang UK nga pasangkadon pa ang pagpanghanda bangud indi malayo nga matabo ini liwat kag mas malala pa.
