ILOILO CITY – Ginpanginwala sang director sang FAMAS Award-winning “Katips” ang alegasyon nga ang musical film ang ginhimo bilang political tool batuk sa Marcos family.
Suno sa actor kag director nga si Vince Tañada, ang pelikula ang isa ka musical nga gin-stage sang 2016 nga tuyo niya nga himuon nga isa ka pelikula.
Dugang pa niya, ini ang iya nga most awarded play nga ginpili niya.
Ginbuyagyag man niya nga may yara sang pila ka supporters si former Vice President Leni Robredo nga nagtuyo nga baklon ang iya film para sa 2022 elections campaign apang wala ini nagpasugot bangud ginahalungan niya ang “sacredness” sang iya nga “art”.
Pinaagi sa sini nga film, nagalaum si Tañada nga dumdumon sang publiko ang mga natabo sang martial law sa idalom ni late president Ferdinand Marcos Sr.
Kung madumduman, nakuha sang pelikula ang pito tanan ka FAMAS awards lakip na ang Best Picture trophy.
Ang ini nga political film ang naga-highlight sang mga kabudlay sang Pilipino bangud sang away sang duha ka political clans sang tion sang Martial Law.
